Áhugi minn á hönnun byrjaði snemma. Fljótlega heillaðist ég af merkjum, formi, letri og litum.

​

Eftir að hafa horft á heimildarmynd um Helvetica leturgerðina ákvað ég að hefja nám í grafískri miðlun.

​

Grafísk hönnun fyrir mér snýst um að miðla hugmynd, skilaboðum eða upplýsingar með letri,  ljósmyndun, teikningu, lögun, formi og litum.

Tilgangur hennar er að koma á sjónrænu samtali við  áhorfandann og finna lausnir á sjónrænum vandamálum sem eru viðeigandi og hafa fegurfræðilegt gildi.​​ 

Hönnunarvinnan  snýr hinsvegar að  myndbyggingu og útlitslegri framsetningu efnisins sem krefst samhengis og tengingu við hugmyndina og eðli hennar.

Þetta gerir grafíska hönnun áhugaverða fyrir mér.

Einfaldleiki grunnformanna hefur alltaf heillað mig. Þau veita mér innblástur sem og vandaðar leturgerðir. Ég byggi verk mín á einföldun, aga og undirliggjandi grind með það að leiðarljósi að ná fram vitrænni lausn sem virkar.

Lausnin þarf að þjóna með hlutlægum og spennandi hætti  en umfram allt hafa langan endingartíma og endurspegla persónuleika og hjarta . 

​​

Ég sækist eftir að rannsaka viðfangsefni mitt, skilja eðli þess, skoða ólíkar leiðir og ná fram því besta.